《你自己都做過下屬，點解你升到高位，可以咁離地，可以一啲同理心也沒有》
X同事對job coach說 ：「我都唔值呢個high paid，我又唔係勁，俾我wok，比我辛苦嘅人大有人在，唔係你幫我，我根本攞唔到。」
Coach：「唔係，你係ok ga，係差啲經驗姐。其實做嘢嘅態度先係最重要。我幾appreciate 你個種（我俾個task 你，你唔會理有幾difficult，你就向前衝，你總覺得無嘢係做唔到）嘅性格。」
X同事：「我邊有你講到咁好喎，咁做唔做到一樣嘢只係時間問題姐」
Coach：「到我做到呢個grade 我更加明白，態度係好重要，以前係舊工作環境，你就係山寨王，但去到新工作環境，好多嘢都係唔識，但唔識咪學囉，有邊個會咩都識喎，只要你有一個好attitude。」
Coach：「同你合作咁耐，我知你想做in charge，but u still need someone to lead u, u need some more time to become a proper in charge。俾啲信心自己啦。你應該明白你攞咩paid 己經通晒天，當人地對你有expectation，你應該點樣去manage 同achieve 其他人嘅expectation 係好重要。」
我聽完我朋友講，其實公司還有好人，可能只係你遇不到。在很繁忙的peak session，mgr 還會坐下coach 下屬兩個鐘，即使working 改完又改，改到自己也不好意思，但mgr 還沒有動怒。
當你發現有issue，有問題想問，就算好垃圾的問題，你也不怕被涯罵，因為他會同你一齊解決。最好的上司不會浪費你時間，提出無聊問題，而係坐下一齊解決問題。公司請我回來是解決問題，不是不停提出問題，但一個解決方法也沒有。
Peak session 時，他從不介意你夜晚7 點鐘就放工，就算你沒有online, 他也相信你半夜還在工作。
工作了數年，我更加發覺如果同事和上司間沒有信任，沒有溝通，大家也只是累鬥累。你不信我回家還會工作，所以你留我到凌晨陪你工作，你以為我所有audit procedures 都放飛機，所以不停question，不停comment，其實你不信我，我做什麼也沒有意義啦。如果你不信我，你release 我好過。
Team mates 間沒有溝通，有issue 有問題沒有及時raise out，到最後慘的還是in charge。
這幾年體會最深的是其實在一條team 入面，最重要不是in charge，亦不是manager and partner，最重要係下屬，那些前線做vouching/testing和解flex 的同事，因為很多問題和issue 也是他們發現。他們一些無聊的問題，看似無聊，其實就是要做adjustment 的地方。 其實一條team 入面，每人也只是看到client 盤數的一part ，我們猶如瞎子摸象，將每一小part puzzle 組合成一個更大的畫面，這裡所靠的是每一位同事的努力。
我總不明白有些人自己以前也做過下屬，為何到你身處中層或是高位，可以如此離地，為何可以一點同理心也沒有。
也許再過數年，我也會離地，但每一次我想發脾氣，我也想着一個associate 在client office 一個人無助的做着看不懂的working，做着不理解的adjustment，你要我今天完成，我真係唔識做⋯⋯ 每一次我想到這裡，我的火氣就下了一半，也許多一點coaching，下屬就會明白應該點做，唔會錯咁多⋯⋯我以前也是這樣走過來吧！
Search